Saskibaloia munduko talde kirol jokatuenetako bat da. James Neismithek asmatu zuen Springfieldeko YMCAn, Massachusetts estatuan, Estatu Batuetan, 1891n. Kirol horrek, bere formaturik ohikoenean, hamar minutuko lau laurdenetan zatitzen da, NBAn izan ezik, 12 minutu irauten baitute eta pilota 3,05 metroko altueran dagoen saski batetik sartzean datza. Hiru saskiratze mota daude: saskiratze normala, zero eta 6,25 metro bitartekoa, bi puntu balio du. Falta bat jasan ondoren jaurtitako tiro askeak puntu bat balio du. Eta 6,25 metroko marratik haratago saskiratuta, hiru puntu balio du. Modalitate horrez gain, maila profesionalean ezagunena, beste batzuk ere badaude, hala nola Streetball, non baloia oinekin uki daitekeen, edo 3×3 saskibaloia, FIBAren barruan dagoen modalitate ofiziala, saskibaloia arautzen duen erakundea.
Saskibaloia ez da Bidasoaldean maila profesionalean ospe handia duen kirola, baina bai Euskal Herriko beste toki batzuetan, zehazki Gasteizen, urtero Euroligan parte hartzen duen Saski Baskoniari esker. Bizkaian eta Gipuzkoan ere badira taldeak, Bilbao Basket, gaur egun ACB liga jokatzen duena, Espainiako saskibaloiaren maila gorena, eta Gipuzkoa Basket eta Iraurgi, gaur egun LEB Oro mailan parte hartzen dutenak, bigarren kategoria. Emakumezkoetan hiru talde daude maila gorenean: Donostiako Ibaeta Basket, izen bereko herriko Gernika Bizkaia eta Gasteizko Araski.
Bidasoaldean Irungo Erroibide eta Hendaiako Hendaye Basket Ball aurkitu ditzakegu.
Saskibaloia zure pasioetako bat bada, egin bat Bi On Be-rekin eta aurkitu jendea kirol honetaz gozatzeko
