Pilota Euskal Herrian errotuen dagoen kiroletako bat da, ez bakarrik itxura fisikoagatik, baita alderdi kulturalagatik ere. XIII. mendean sortu zen kirola dela kontatzen da, historiako zaharrenetako bat. Pilotak modalitate ugari ditu, esku-pilota edo zesta-punta, besteak beste. Ohikoena horma ezkerraldean duen kantxa da, baina trinketea ere badago, erabat itxia eta teilatutxo bat duena ezkerraldean, plaza librea, frontisa bakarrik duena, edo Valentziako trinketea, alde guztietatik itxia eta albo batean eskailerak dituena. Gure lurraldetik kanpo inportantzia handia duen kirola da, Hego Amerikan, Argentinan bereziki, edo urte askotan izan duen bezala Miamin, Estatu Batuetan, zesta-punta, Jai Alai bezala ere ezaguna.
Hegoaldean esku pilota da gehien jokatzen dena, Donostiako Atano III.a, Eibarko Astelena, Bilboko Bizkaia, Irungo Uranzu edo Berako Eztegara bezalako frontoietan. Iparraldean, ordea, beste modalitate batzuk praktikatzen dira, hala nola gomazko paleta edo xarea trinketetan, Donibane Lohizunen, Donibane Garazin edo Baionan kasu. Bidasoaldean zesta-puntak jarraipen handia du Hondarribian, Jostaldi pilotalekuan, non udan ohikoa da modalitate horretako partiduak izatea. Profesional zein amateur mailan, klub batzuek kirol hau sustatzen dute. Irungo Ramuntxo Trinkete Kluba adibide ona da. ur mailan, klub batzuek kirol hau sustatzen dute. Irungo Ramuntxo Trinkete Kluba adibide ona da. Kirol hau gure lurraldean praktikatzeko hainbat aukera daude: Irungo Uranzu frontoia edo Artiako trinketea, Hondarribiako Jostaldi edo Soroeta frontoiak, edo Hendaiako Daniel Ugarte edo Belcénia pilotalekuak.
Pilotaren praktikak erresistentzia fisikoa, abiadura eta potentzia eskatzen ditu, modalitate bakoitzaren araberako beharrezko teknikaz gain. Bere mugimenduengatik muskularki asko eskatzen duen kirola da.
Pilota zure pasioetako bat bada, egin bat Bi On Be-rekin eta aurkitu jendea kirol honetaz gozatzeko
